संसदमा एमाले,रास्वपा र राप्रपाको नाराबाजी, बैठक स्थगित

काठमाडौं  । प्रतिनिधिसभामा  प्रतिपक्ष दलहरूले संसद अवरोध गरेका छन् । प्रतिपक्षी दल नेकपा एमाले, राष्ट्रिय स्वतन्त्र पार्टी र राष्ट्रिय प्रजातन्त्र पार्टीले संसद अवरोध गरेका हुन्। सांसदहरूले राष्ट्रपति रामचन्द्र पौडेलबाट असंवैधानिक ढंगले नागरिकता विधेयक प्रमाणिकरण गरेको भन्दै प्रतिनिधिसभामा नाराबाजी गरेका छन् । प्रतिपक्ष दल एमालेले राष्ट्रपतिको असंवैधानिक कदम खारेज गर भन्दै नाराबाजी गरेको हो।

एमाले सांसदहरूले नागरिकता विधेयक संसद्मा दर्ता गर,देश बेच्न पाइदैन भन्दै नाराबाजी गरेका छन् । उनीहरूले संविधानको सर्वोच्चता कायम गर्न पनि माग गरेका छन् ।  नाराबाजी पछि संसद बैठक एक घन्टाका लागि स्थगित भएको छ।